A cikin wani sako da ya aike, shugaban Pezeshkian ya taya shugaban kasar da al’ummar kasar Aljeriya murnar zuwan zagayowar ranar da aka fara gwagwarmayar ‘yantar da kasar Aljeriya.

Majiyar yada labaran fadar shugaban kasar ta bayyana cewa, a cikin wani sako da ya aike, shugaban kasar Iran Masoud Pezeshkian ya taya shugaban kasa da al’ummar kasar Aljeriya murnar zagayowar ranar ‘yanci da gwagwarmayar kasar Aljeriya.

A cikin sakon da ya aike zuwa ga Abdel Majid Taboun shugaban kasar Aljeriya, ya taya shi murnar cika shekaru 70 da ‘yanto wannan kasa daga mulkin mallaka, wanda ya zo daidai da cika shekaru 60 da kafuwar kasar.

Dangane da Alakar da ke tsakanin Iran da Aljeriya, Pezeshkian ya bayyana shirye-shiryen Jamhuriyar Musulunci ta Iran na karfafa da fadada alakar da ke tsakanin kasashen biyu a dukkanin bangarori.