Kungiyar gwagwarmayar Musulunci ta Hizbullah ta kasar Lebanon ta wallafa faifan bidiyon farmakin da ta kai kan kayan aikin fasaha da na leken asirin rundunar sojin gwamnatin haramtacciyar kasar Isra’ila a wuraren Al-Summaqa da Ramiya.
Kungiyar Hizbullah ta sanar da cewa, ta kai hari kan yankin Ruwaisat Al-Alam da ke tsaunin Kafur Shuba da ke kasar Lebanon da aka mamaye da makami mai linzami, sannan kuma ta kai hari kan yankin Al-Malikiyah da makamai masu linzami, wadanda hare-haren biyu suka tarwatsa na’urorin sojojin na haramtacciyar kasar Isra’ila.
A wani labarin kuma, kungiyar Hizbullah ta sanar da cewa, ta kai hari a wani wuri da aka jibge sojojin mamaya a kusa da Hanita da makamai masu linzami, kuma harin ya samu daidai yadda aka tsaita shi.
Kamar yadda a jiya litinin mayakan kungiyar Hizbullah suka ci gaba da kai hare-hare kan wuraren da aka jibge sojojin haramtacciyar kasar Isra’ila a daura da kan iyakar kudancin kasar Lebanon da makamai masu linzami.