Sojojin Isra’ila na ci gaba da kai hare-haren kisan kare dangi a Zirin Gaza da kuma Lebanon lamarin dake ci gaba da sanadin rayuwar gomman fararen hula musamman mata da kuma kananen yara.

Ko a baya bayan nan sojojin Isra’ila sun kashe akalla mutane 44 a Gaza ranar Asabar.

Kawo yanzu dai adadin mutanen da sukayi shahada a Kisan kare dangi na Isra’ila a Gaza ya kai 43,552 tare da raunata wasu 102,765 tun daga ranar 7 ga Oktoba, 2023.

A daya bangaren kuma Isra’ila ta kashe mutum 31 a Lebanon, a ranar Asabar, ciki har da ma’aikatan ceto guda 6 na Lebanon.

A Lebanon akalla mutane 3,136 ne suka mutu yayin da wasu 13,979 suka samu raunuka sakamakon hare-haren da Isra’ila ke kaiwa tun bayan fara yakin Gaza.