Iran ta yi Allah wadai da matakin Isra’ila na haramta hukmar kula da ‘yan gudun hijira Falastinawa ta Majalisar Dinkin Duniya.

Jakadan Iran a Majalisar Dinkin Duniya ya soki matakin da Isra’ila ta dauka, yana mai bayyana hakan a matsayin yunkurin hana kai kayan agajin da ake bukata a Gaza.

Amir Saeid Iravani ya ce, “Muna yin Allah wadai da dokar da Isra’ila ta fitar a baya-bayan nan kan UNRWA da ke neman hana ta ba da tallafi mai mahimmanci ga falasdinawa”.

Ya kara da cewa Gaza a cikin shekarar da ta gabata, hare-haren wuce gona da iri da Isra’ila ta yi sun yi barnar da ba a taba gani ba a kan fararen hula a Gaza.”

“Yanzu yankin arewacin zirin Gaza yana ci gaba da fuskantar mummunan hari, musamman a yankunan da ke da yawan jama’a.