Tashar talabijin din ‘al’alam” mai watsa shirye-shiryent daga nan Tehran ta harshen larabci ta ambaci cewa, a yayin harin mayar da martani na farko da Iran ta kai wa HKI wanda aka bai wa sunan; “Wa’addus-sadiq 1”, Iran din ta yi amfani da makami mai linzami samfurin “Paveh’ wanda mai fika-fikai ne. Wannan makamin yana cin nisan zango kilo mita 1,650, kuma zai iya sauya hanyar da yake tafiya akanta, sannan kuma zai iya kai hari ta kowace fuska.