An kama mutane 74 a zanga-zangar nuna goyon bayan Falasdinu a birnin Chicago na jihar Illinois ranar Juma’a a yayin babban taron jam’iyyar Democrat na kwanaki hudu.

An fara taron ne a ranar Litinin a Cibiyar United inda mataimakin shugaban kasar Kamala Harris ya amince da zabenta a hukumance a matsayin ‘yar takarar shugaban kasa na jam’iyyar Democrat a ranar Alhamis.

Sai dai dubban mutane sun dauki taron a matsayin wata dama ta gudanar da zanga-zangar nuna goyon bayan Falasdinawa, inda suka bukaci Amurka da ta kawo karshen goyon bayanta ga kisan kiyashin da “Isra’ila” ke yi a Gaza, ciki har da zanga-zangar da ta gudana a gaban karamin ofishin jakadancin Isra’ila.

“Sakamakon duk abin da ya faru a can, an kama mutane 74 da ke kusa da yanayin zanga-zangar,” Sufetan ‘yan sandan Chicago Larry Snelling ya shaida wa manema labarai tare da magajin garin Brandon Johnson.