An Kai Hari Akan Yankin Da Muhimman Cibiyoyin Gwamnati Su Ke A Birnin Bagadaza

2021-02-23 08:12:47
 An Kai Hari Akan Yankin Da Muhimman Cibiyoyin Gwamnati Su Ke A Birnin Bagadaza

Majiyar tsaron Iraki ta ce an harba makaman roka akan yankin da ake kira; “Green Zone” da ke tsakiyar birnin Bagadaza, wanda yake kunshe da muhimmanc cibiyoyin gwamnati da ofisoshin jakadancin waje.

Sai dai majiyar tsaron ta ce harin bai yi sanadiyyar asarar rayuka ko jikkatar wani mutum ba.

Tun da fari an ji karar jiniya a yankin bayan da wani makami mai linzami samfurin “Katusha” ya fadi a yankin.

Daga lokaci zuwa lokaci ana harba makamai masu linzami a yankin, wanda a wasu lokuta yakan lalata wasu gine-gine.

Ba kuma kasafai akan sami wasu daukar nauyin kai harin ba.

031

Comments(0)
Success!
Error! Error occured!