​Najeriya: Buhari Ya Jinjina Wa Chadi Kan Hadin Kai Da Take Bai Wa Najeriya Kan Sha’anin Tsaro

Shugaban kasa Muhammadu Buhari ya bayyana jin dadinsa a kan yadda kasar Chadi ta samar da karin sojoji ga Najeriya a yakin da ake yi da ‘yan ta’adda a Nijeriya.

A cikin wani rahoto da jaridar Leadeship ta bayar, ta bayyana cewa jami’in yada labarai na shugaban kasa Mr Femi Adesina ne, ya bayyana haka a takardar sanarwar da ya raba wa manema labarai, inda ya ce, shugaban kasar ya yi bayanin ne a yayin da Mr Ahmat Oumar Ahmat wakili na musamman na shugaban kasar Chadi Shugaba Idriss Deby Itno, ya ziyarce shi a gidan gwamnati da ke Abuja.

Shugaba Buhari ya ce, sanin mahimancin hada kai da kasashe makwabta yasa a lokacin da ya karbi mulki a shekarar 2015, ya fara ziyartar kasashen da ke makwabtaka da Najeriya, domin neman goyon bayansu a yakin da ake yi da ‘yan ta’adda.

Buhari ya kuma yi wa kasar Chadi fatan alhairi a zaben shugaban kasa da suke shirin gudanarwa a watan Afrilun wannans hekara ta 2021.

Sojojin Kasar Chadi sun taka muhimmiyar rawa wajen fatattakar 'yan ta'adda a yankunan kasar har ma da wasu yankuna a cikin jihar Borno da ke tarayyar Najeriya.

015