Iraki Ta Shiga Marhala Mafi Muni Na Yaduwar Cutar Korona

2021-02-20 10:58:48
Iraki Ta Shiga Marhala Mafi Muni Na Yaduwar Cutar Korona

Ministan kiwon lafiya na kasar Iraki ya bada sanarwan cewa kasarsa ta shiga wata marhala mafi muni na yaduwar cutar korona a kasar. Kamfanin dillancin labaran IRNA na kasar Iran ya nakalto Abdul-Amir Al-halfi yana fadar haka a jiya jumma’a, ya kuma kara da cewa rashin kula da dokokin hana yaduwar cutar ne yasa mutane suke kara kamuwa da ita.

Labarin ya kara da cewa a cikin sa’o’i 24 da suka gabata mutane 4,024 suka kamu da cutar wanda ya kai jimillar wadanda suka kamu da cutar a kasar zuwa 661,477.

Sannan a cikin sa’o’i 24 da suka gabata mutane 12 suka rasa rayukansu wanda ya kawo jimillar wadanda suka rasa rayukansu sanadiyyar zuwa 13,232 tun bayan bullarta a shekarar da ta gabata.

A Halin yanzu dai gwamnatin kasar ta kafa dokar hana fita daga karfi 8 na yamma zuwa 5 na safe don rage yaduwar cutar a duk fadin kasar

Comments(0)
Success!
Error! Error occured!