Iran: An Mika Wa Dakarun Kare Juyin Musulunci Kwale-kwalen Yaki 340 A Yau Litinin

2021-02-08 15:01:44
Iran: An Mika Wa Dakarun Kare Juyin Musulunci Kwale-kwalen Yaki 340 A Yau Litinin

An Mika Wa Dakarun Kare Juyin Musulunci Na Iran Kwale-kwale Yaki 340 A Yau Litinin

Kamfanin dillancin labarun “Mehr” ya ambato cewa; Da safiyar yau Litinin an gudanar da bikin mikawa dakarun kare-juyin musulunci na Iran kwale-kwale da suke dauke da kayan yaki har 340, a garin Bandar-Abbas.

Daga cikin mahalarta bikin da akwai kwamandan dakarun kare-juyin musulunci na Iran Janar Husain Salami, da kwamandan rundunar ruwa Admiral Ali Ridha Tankasir da kuma jami’an tafiyar da sha’anin mulki a gunduar Hurzumgan.

Mika wa dakarun wadannan kwale-kwalen dai ya zo ne adaidai lokacin da ake bikin zagayowar ranakun cin nasarar juyin musulunci a Iran da aka yi a 1979.

031

Comments(0)
Success!
Error! Error occured!