​Palestine: Yahudawa Sun Rusa Wani Masallaci A Yammacin Kogin Jordan

2021-01-27 18:49:30
​Palestine: Yahudawa Sun Rusa Wani Masallaci A Yammacin Kogin Jordan

Jami’an tsaron yahudawan Isra’ila sun rusa wani masallacin musulmi Falastinawa da ke cikin yankunan gabar yamma da kogin Jordan.

Rahotani sun tabbatar da cewa, da safiyar yau jami’an tsaron gwamnatin yahudawan Isra’ila su kutsa kai a cikin yankunan Falastinawa da ke yankin Ummu Kissah a gabashin matsugunnin yahudawa ‘yan share wuri zauna na Yata, inda suka killace yankin baki daya.

Daga bisani yahudawan sun shiga rusa ginin wani masallaci da ake cikin gina shi, kamar yadda kuma suka rusa wata makaranta ta firamare mallakin Falastinawa da take kusa da masallacin.

Yahudawan dauke da makamai sun hana kowa isa wurin, tare da yin barazanar harbin duk wani musulmi da ya nemi isa wurin domin hana rusa masallacin.

Wurin da aka yahudawan suka tafka wannan ta’asa yana daga cikin yankuna uku da aka baiwa Falastinawa a matsayin mallakinsu a cikin yarjejeniyar Oslo, wanda kuma Isra’ila ta ci gaba da kwace wadannan yankuna tare da korarar Falastinawa da suke mallakarsu, inda take gina matsugunnan yahudawa ‘yan share wuri zauna.

015

Comments(0)
Success!
Error! Error occured!