Korona ta kashe karin mutum 15 a Najeriya

2021-01-20 14:46:24
Korona ta kashe karin mutum 15 a Najeriya

Hukumar dakile cututtuka masu yaduwa a Najeriya ta ce an samu karin mutum 1,301 da suka kamu da annobar korona a kasar ranar Talata.

A cewar kuma hukumar ta NCDC, akwai mutum 15 da cutar ta yi ajalisnu a cikin sa'o’i 24 da suka gabata.

Bisa sabbin alkaluman hukumar, har yanzu jihar Legas ce ke kan gaba da mutanen da suka kamu da cutar sai kuma Abuja, babban birni.

Yanzu dai kididdigar masu cutar a Najeriya ita ce 113,305 sannan mutum 91,200 sun warke inda kuma mutum 1,464 suka rasu

Comments(0)
Success!
Error! Error occured!