Iran: An Sami Nasara A Mataki Na Farko Na Gwajin Alluran Rigakafin Cutar Korona Kan Mutane

2021-01-12 13:46:50
Iran: An Sami Nasara A Mataki Na Farko Na Gwajin Alluran Rigakafin Cutar Korona Kan Mutane

Mai bawa ministan kiwon lafiya na kasar Iran shawara kan harkokin kiwon lafiya ya bada sanarwan cewa kasashen Iran da Cuba sun sami nasara a gwajin alluran riga kafin cutar korona kan mutanen a mataki na farko da suka yi a nan Iran.

Majiyar muryar Jumhuriyar Musulunci ta Iran ta nakalto Ali-Reza wahhab-zade yana fadar haka a ranar Lahadi, ya kuma kara da cewa za’a gudanar da mataki na biyu na gwajin ne a kan mutane a kasar ta Cuba.

Wahhab Zade ya kara da cewa idan an kammala ayyukan gwaje –gwajen cikin nasara za’a fara samar da alluran riga kafin ne a cikin kasar Iran.

Cutar Covid 19 dai ta bulla ne a birnin Wuhan na kasar Sin a karshen shekara ta 2019, sannan ya zuwa yanzu ta kama mutane fiye da miliyon 90, a yayinda mutane fiye da miliyon daya da dubu 900 suka rasa rayukansu sanadiyyar kamuwa da cutar a duniya.

Comments(0)
Success!
Error! Error occured!