​Iran: Za A Kori Jami’an Hukumar IAEA Daga 21 Ga Fabrairu Matukar Ba A Dauke Takunkumi Kan Iran Ba

2021-01-09 19:54:24
​Iran: Za A Kori Jami’an Hukumar IAEA Daga 21 Ga Fabrairu Matukar Ba A Dauke Takunkumi Kan Iran Ba

Mamba a kwamitin shugabancin majlaisar dokokin kasar Iran Ahmad Farahani ya bayyana cewa, za a dakatar da dukkanin ayyuykan bincike na jami’an hukumar IAEA daga ranar 21 ga watan Fabrairu, matukar dai ba a dauke takunkumai a kan Iran ba.

A cikin alalam ta bayar da rahoton cewa, a cikin wani bayaninsa a yau, mamba a kwamitin shugabancin majalisar dokokin kasar Iran Ahmad Farahani ya bayyana cewa; tun bayan da Iran ta rattaba hannu kan yarjejeniyar nukiliya bangare ne daya ne yake aiki da wannan yarjejeniya shi ne Iran.

Ya ce wannan ba abu ne mai yiwuwa ba, domin kuwa aiki da dukkanin bangarorin yarjejeniyar yana akan dukkanin wadanda suka rattaba hannu a kanta ne, dukkanin kasashen turai ba su aiki da ko daya daga cikin alkawullansu ba, kamar yadda Donald Trump ya ma fitar da Amurka daga cikin yarjejeniyar ne baki daya.

Farahani ya ce; zababben shugaban kasar Amurka yana wata daya cikakke daga ranar da za a rantsar da shi kan ya janye dukkanin takunkuman da Amurka ta kakaba wa Iran, a bangarori na tattalin arziki, kasuwanci, musayar kudade, cinikin mai da sauransu, idan kuma bah aka ba, aikin hukumar makamashin nukiliya ta duniya ya kawo karshe a cikin cibiyoyin nukiliya na kasar Iran.

Ya kuma kara da cewa, wannan kudiri na majalisa dole ne gwamnatin Iran ta aiwatar da shi daga ranar da aka ayyana.

015

Comments(0)
Success!
Error! Error occured!