​Ndume: Sojojin Najeriya Sun Karbi Makudan Kudade Domin Tabbatar Da Tsaro A Shekarar 2021

2021-01-06 09:07:39
​Ndume: Sojojin Najeriya Sun Karbi Makudan Kudade Domin Tabbatar Da Tsaro A Shekarar 2021

Shugaban Kwamitin Sojoji na Majalisar Dattawa, Sanata Ali Ndume, ya bayyana cewa babu sauran wani uziri da rundunar sojin Najeriya za ta bayar, domin an ba su komai a wadace, da kuma isassun makudan kudade domin magance matsalar Boko Haram a cikin 2021.

A rahoton da jaridar Premium Times ta bayar, Ndume ya bayyana cewa sojojin Najeriya sun samu duk wata bukatar da suka nema a biya masu ta fannin sayen manyan makamai da lodin sauran kayan artabu, domin magance matsalar Boko Haram da ’yan bindiga a Najeriya.

Wannan bayani na Sanata Ndume ya zo ne kusan mako daya bayan Babban Hafsan Hafsoshin kasa na Najeriya Janar Tukur Buratai ya bayyana cewa, “sojoji za su kunyata Boko Haram cikin 2021.”

Ndume ya kara cewa gwamntin tarayya ta amince da dukkan bukatun da mahukuntan tsaro na soja su ka mika domin magance ta’addanci da ’yan bindiga a kasar, domin kuwa majalisa ma cewa ta yi a gaggauta damka wa sojoji dukkan makudan kudaden da su ka bukata.

Ya ce “Kasafin Kudin Sojoji na 2021 tun daga albashi da komai, ya kai naira bilyan 500, a Shekarar da ta gabata naira bilyan 75 aka kashe wa Operation Lafiya Dole kadai. Amma wannan shekarar shugabannin sojojin sun yi korafi, sai aka yi masu kari zuwa naira bilyan 100.’’

015

Comments(0)
Success!
Error! Error occured!