​Najeriya: Mutane 1074 Suka Kamu Da Corona A Ranar 1 Ga Watan Janairun 2021

2021-01-02 10:04:25
​Najeriya: Mutane 1074 Suka Kamu Da Corona A Ranar 1 Ga Watan Janairun 2021

Hukumar yaki da cututtuka masu yaduwa a Najeriya NCDC ta sanar da cewa, mutane 1074 da suka kamu da cutar Korona a fadin kasar a ranar jiya Juma’a.

Jaridar Premium Times ta bayar da rahoton cewa, alkaluman da hukumar NCDC ta fitar a ranar Juma’a sun nuna cewa Legas ta samu karin mutane –642, Kaduna-92, Rivers-78, FCT-66, Gombe-66, Kano-35, Ogun-31, Katsina-22, Filato-20, Abia-7
Niger-4, Oyo-4, Akwa Ibom-3, Delta-2 da Osun-2

Bisa rahoton hukumar ta NCDC yanzu mutane 88,587 suka kamu da cutar a Najeriya, mutum 74,373 sun warke, 12,562 sun rasu. Sannan kuma zuwa yanzu mutum 12,974 ke dauke da cutar a Najeriya.

A ranar Alhamis jajibirin shekara ta 2021, mutane 1,031 suka kamu a Najeriya, jihohin Legas, Kaduna, Nasarawa, Bauchi, Kano da Babban birnin Tarayya, Abuja ne suka fi yawan wadanda suka kamu.

Har yanzu dai jihar Legas ne ke da mafi yawan wadanda suka kamu da mutum 30,830, FCT –11,771, Oyo – 3,943, Edo –2,870, Delta –1,888, Rivers 3,553, Kano –2,297, Ogun–2,524, Kaduna –5,328, Katsina -1,636, Ondo –1,811, Borno –796, Gombe –1,272, Bauchi –1,009, Ebonyi –1,107, Filato – 4,859, Enugu –1,382, Abia – 1,000, Imo –755, Jigawa –403, Kwara –1,414, Bayelsa –519, Nasarawa –799, Osun –1,014, Sokoto –357, Niger – 417, Akwa Ibom – 437, Benue – 532, Adamawa – 391, Anambra – 308, Kebbi – 173, Zamfara –112, Yobe – 187, Ekiti –410, Taraba- 217, Kogi – 5, da Cross Rivers – 169.

A Najeriya dai ana samun hau-hawar alkaluman wadanda suke kamuwa da cutar ta corona a halin yanzu. Abin ya kai ga har an fara rufe makarantu da kuma saka dokoki domin kiyaye wa.


015

Comments(0)
Success!
Error! Error occured!