Kungiyar Kwallon Kafa Ta Chelsea Da Aston Villa Sun Yi Canjaras 1-1 A Wasan Premier Da Suka Buga

Kungiyar kwallon kafa ta Chelsea ta kasa hawa mataki na gaba a gasar Premier bayan da ta yi kunnen doki daya da daya da abokiyar karawarta Aston villa a wasan da suka buga a jiya da dare.

Chelasea ta zura kwallon farko ne da misalin minti 34 da fara wasa ta hannun dan wasanta Olivier Giroud bayan da Ben chiwell ya bugo masa inda ya sa kai ya dokata a ragar Aston villa.

Sai dai ita ma kungiyar kwallon kafa ta Aston vila ta farke cin ne bayan minti biyar da zura mata kwallon, inda dan wasanta Anwa El Ghazi ya kwace kwallo daga hannun mai tsaron gidan chelasea bayan da aka auno ta .

Yanzu dai sakamakon ya nuna cewa chelsea da Aston villa za su ci gaba da kasancewa a matsayi na 5 da 6 a teburi, kafin wasan da aka shirya za’a yi a yau talata tsakanin kungiyar kwallon kafa ta Manchester city da kuma Everton, sai dai an dage wasan zuwa wani lokaci saboda kara tsanantar cutar korona Virus a kasar.