Iran Ta Bayyana Cewa; Palasdinu Ce Kadai Ta Sani A Matsayin Kasa Mai Babban Birni A Kudus

Mai bai wa shugaban majalisar shawarar musulunci ta Iran shawara akan harkokin kasa da kasa, Husain Amir Abdullahiyan ne ya bayyana haka yana mai kara da cewa; Pira Ministan ‘yan sahayoniya Benjamine Natenyaho ya zo karshe a siyasance, kuma ‘yan sahayoniya ba su da wata rayuwa mai dorewa a cikin wannan yankin.

Abdullahiyan ya bayyana hakan ne a lokacin da yake ganawa da jakadan kungiyar Hamas anan Iran Khalid al-judumy, da kuma Nasir Abu Sharif wanda shi ne jakadan kungiyar Jihadul-Islami a Iran,yana mai kara da cewa; HKI wani tsari ne na bogi.

Har ila yau, Abdullahiyan, ya mika gaisuwar shugaban majalisar shawarar musulunci ta Iran Muhammad Baqir Qalibaf zuwa ga jagororin gwgwarmaya da al’ummar Palasdinu.

Bugu da kari,bangarorin biyu sun tattauna hanyoyin bunkasa alaka a tsakaninsu da kuma halin da ake ciki a Palasdinu.

A wani sashe na tattaunawar Abdullahiyan ya bayyana cewa; Iran ba ta yin furuci da wata kasa ba a Palasdinu sai ta Palasdinawa,wacce kuma Kudus ne babban birninta.

An nasu bangarorin, jakadun kungiyoyin na Palasdinawa sun jaddawa ci gaba da gwagwarmaya har zuwa ‘yanto da dukkanin palasdinu.

.013