Majalisar Dinkin Duniya Ta yi Kira Da A Saki Dukkan Daliban Makarantar Sakandire Ta Garin Kankara Da Gaggawa

2020-12-15 11:48:47
Majalisar Dinkin Duniya Ta yi Kira Da A Saki Dukkan Daliban Makarantar Sakandire Ta Garin Kankara Da Gaggawa

Babban Sakataren Majalisar Dinkin Duniya, Antonio Guterres, ne ya yi wannan kira ne a cikin wata takarda da kakakinsa Staphene Dujarric ya fitar a ranar Litinin, inda ya bayyana cewa Ina kira da a gaggauta kwato daruruwan daliban makarantar Sakandiren gwamnatin ta kimiyya da ke garin kankara a jihar Katsina da yan bindiga suka sace su.

A wani bangare kuma Ita ma hukumar Unicef mai kula da kananan yara dake karkashin Majalisar Dinkin Duniya, cikin wata takarda da daraktanta dake kula da Afirka ta yamma da ta tsakiya Marie-pierre ta fitar a ciki, ta taya ilahirin iyayen wadannan dalibai bakin cikin abin da ya faru na sace musu yaya da yan bindiga suka yi , da irin mawuyacin halin da suka tsinci kansu a ciki sakamakon afkuwar wannan bala’i.

Haka zalika ta yi kira da a gaggauta ceto wadannan yaran da ba su dauki alhakin kowa ba, tace ya kamata yara kananan su kasance a wuri da ke da tsaro da za su samu tabbaci da natsuwa na kare rayuwakansu ba tare da fuskantar wata barazana ba.

013


Comments(0)
Success!
Error! Error occured!