Ma’aikatar Harkokin Wajen Iran Ta Kira Yi Wasu Jakadun Kasashen Turai Saboda Goyon Bayan Dan Leken Asirin Da Aka Zartarwa Hukuncin Kisa

2020-12-14 10:10:44
Ma’aikatar Harkokin Wajen Iran Ta Kira Yi Wasu Jakadun Kasashen Turai Saboda Goyon  Bayan Dan Leken Asirin Da Aka Zartarwa Hukuncin Kisa

A jiya Lahadi Ma’aikatar harkokin wajen ta Iran ta gayyaci jakadan kasar Jamus domin nuna masa rashin yardarta da matsayar kasarsa da kuma tarayyar turai akan zartar da hukuncin kisan da aka yi wa Ruhullah Zam anan Iran.

Jakadan na kasar Jamus Hans-Udo Muzel ya amsa sammacin na Iran akan tsoma bakin tarayyar turai din a cikin batun zartar da hukuncin kisa akan Ibrahim Zam.

Har ila yau, ma’aikatar harkokin wajen kasar ta Iran ta gayyaci jakadan kasar Faransa Philippe Thiebaud shi ma akan matsayar kasarsa. Jakadan ya yi alkawalin isar wa da gwammnatin kasar tasa sakon da aka ba shi.

Iran ta zartar da hukuncin kisa ne akan Ruhullah Zam wanda aka samu da laifin ingiza mutane domin tayar da hargitsi ta hanyar watsa labarun karya ta kafar Instegram.

013

Comments(0)
Success!
Error! Error occured!